Aussies mag IPL boikot
2010-02-23 12:25
Sydney – Australiese krieketsterre het geweier om hulle by vanjaar se Indiese Premierliga (IPL) aan te meld mits daar aan hul eise vir sekuriteit voldoen word.
Paul Marsh, die uitvoerende hoof van die Australiese Krieketspelers-vereniging (ACA), het gesê spelers het dié eise uitgereik na dreigemente deur ‘n Al-Kaïda-splintergroep.
Totdat die IPL nie aan hul bekommernisse aandag skenk nie, het Marsh gesê sal spelers hulle nie tot dié toernooi verbind nie.
“Die spelers is definitief bekommerd, die IPL het ‘n direkte dreigement ontvang… en ons is nie gelukkig met die sekuriteitsplanne wat hulle tans in plek het nie, dit is die twee kwessies,” het Marsh gesê.
Dié nuutste kommer oor sekuriteit volg nadat die Asia Times online berig het dat hulle ‘n waarskuwing van ‘n Al-Kaïda-splintergroep ontvang het wat dreig om sporttoernooie in Indië aan te val.
Die draaibouler Shane Warne het verlede week gesê dat dié dreigemente hom “tweekeer laat dink het” om na Indië te vlieg waar hy vir die Rajasthan Royals in die IPL speel.
Warne het gesê dat die IPL verlede jaar op kort kennisgewing na Suid-Afrika geskuif is en as die dreigemente bewys kan word, moet die organiseerders oorweeg om die kriekettoernooi weer te skuif.
- Sport24