Amla nou tweede op kolfranglys
2013-01-16 18:07
Kaapstad – Hashim Amla het danksy sy uitstekende kolfvertoning teen Nieu-Seeland na
die tweede plek op die Internasionale krieketraad (IKR) se wêreldranglys vir
toetskolwers opgeskuif.
OFM berig Amla, wat 176 lopies in die onlangse toetsreeks teen die Black Caps
aangeteken het, het van die vierde plek af opgeskuif.
Hy het Chivnarine
Chanderpaul van die Windies, wat nou die derde plek beklee, uit die
posisie gelig.
Amla is nou ook net een punt agter die top-toetskolwer, Michael Clarke van Australië.
AB de Villiers en Jacques Kallis word ook onder die toptien-kolwers
gereken, met De Villiers wat in die sesde plek is, en Kallis sewende.
Die Chevrolet Knights se Dean Elgar het danksy sy honderdtal in die
tweede toets met 49 plekke tot nommer 96 opgeskuif.
Dale Steyn het sy plek bo-aan die ranglys vir toetsboulers
verstewig nadat hy 13 paaltjies in die twee toetse geneem het.
Vernon
Philander is steeds in die tweede plek en Morné Morkel in die agtste
posisie.
Kalllis het ook sy posisie as voorste veelsydige speler
behou, terwyl die Proteas steeds as die beste toetsspan ter wêreld
beskou word.
Die Suid-Afrikaners het nou ‘n voorsprong van ses punte bo
Engeland
Vir die die jongste sportnuus volg Nuus24Sport op Twitter.
– OFM
