White skud kop oor Bokke se fiksheid
2011-08-15 14:46
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Canberra - Jake White het sy kommer uitgespreek oor die manier waarop spelers bestuur word ná die Springbokke se Drienasies-nederlaag Saterdag teen die Wallabies in Durban.
White het op sy RugbyXV-webtuiste ook die Bokke se fiksheid bekla.
"Hul wedstrydfiksheid kan vergewe word omdat die afrigter gekies het om hulle vir 'n tyd lank nie te laat speel nie, maar selfs die Bokke se algehele fiksheid is eenvoudig nie goed genoeg nie."
White, wat as Bok-afrigter gereeld onder kritiek deugeloop het omdat hy spelers volgens hul grootte en atletiese vermoë gekies het, sê fiksheid moet die kern van die Bokke se Wêreldbeker-veldtog wees.
"Geskiedenis toon dat die fikser span gewoonlik die Wêreldbeker wen, en dit behoort die Bokke te bekommer. Jy hoef net na beeldmateriaal van dieselfde spelers in 2007 te gaan kyk en dit vergelyk met hoe hulle nou lyk. Jy kan duidelik die verskil sien deur net na hul liggame te kyk."
White het ook die spanbestuur gekritiseer oor hul gebruik van reserwes.
"Die plaasvervangings was swak. Dit was onregverdig om John Smit so laat in die wedstryd na vaskop te skuif."
"Met Gurthro Steenkamp op die bank en Jannie du Plessis se fiksheid wat nie vertrou is nie, was dit altyd die plan om Smit na daai posisie te skuif," het White gesê.
"Dit is verbasend dat die Bokke nie voor die tyd besef het watse impak dié skuif sou hê nie, aangesien Smit vantevore al teen Australiese skrums gesukkel het," het White opgemerk.
Hy het bygevoeg dadie Springbok-bestuur nie die span se tekortkominge wil erken nie.
“Peter de Villiers het gesê ons het die wedstryd oral gewen behalwe op die telbord. Geen wonder hy is optimisties en steeds 90% oortuig dat ons die Wêreldbeker gaan wen nie."
Vir die jongste sportnuus volg Nuus24Sport op Twitter.
– Sport24