Vyf veranderinge aan Bok-span teen All Blacks
2011-08-16 14:36
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Kaapstad – Daar is vyf veranderinge aan die Springbokspan aangebring vir Suid-Afrika se kragmeting met Nieu-Seeland in Port Elizabeth.
Die losskakel Morné Steyn, die losvoorspeler Willem Alberts, die haker Bismarck du Plessis en die loskopstut Gurthrö Steenkamp is na die span teruggeroep.
Patrick Lambie vervang die beseerde Frans Steyn op heelagter.
Op die plaasvervangersbank is CJ van der Linde na die span teruggeroep en Ashley Johnson vervang Jean Deysel.
Tendai Mtawarira, Danie Rossouw en Butch James sal hulle op die plaasvervangersbank geselskap hou.
Deysel en Gerhard Mostert is uit die Bok-groep van 22 gelaat.
“Dit is ons laaste kans om sekere spelerkombinasies voor die wêreldbeker te toets,” het die Springbok-afrigter Peter de Villiers gesê.
“Ons het hierdie veranderinge aan die begin van die internasionale seisoen reeds in gedagte gehad,” het hy bygevoeg.
Victor Matfield sal in sy 107ste toets vir die 16de keer as kaptein van die Springbokke uitdraf.
Só lyk die Springbok-span vir die wedstryd:
15 Pat Lambie, 14 JP Pietersen, 13 Jaque Fourie, 12 Jean de Villiers, 11 Bryan Habana, 10 Morne Steyn, 9 Fourie du Preez, 8 Pierre Spies, 7 Willem Alberts, 6 Heinrich Brüssow, 5 Victor Matfield (kaptein), 4 Bakkies Botha, 3 Jannie du Plessis, 2 Bismarck du Plessis, 1 Gurthro Steenkamp
Plaasvervangers: 16 John Smit, Tendai Mtawarira, CJ van der Linde, Danie Rossouw, Ashley Johnson, Francois Hougaard, Butch James
– Sport24
– Vir die jongste sportnuus volg Nuus24Sport op Twitter.