Só lyk Wallabies teen All Blacks
2011-08-02 11:03
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Sydney – Die veteraan-slot Nathan Sharpe is weggelaat uit die Wallabies se span vir Saterdag se Drienasies-kragmeting teen die All Blacks in Auckland.
Die Western Force-kaptein, wat 95 toetse op sy kerfstok het, is oor die hoof gesien toe die breier Robbie Deans sy toergroep van 24-spelers Dinsdag bekendgemaak het.
Die gebore Kapenaar Dan Vickerman maak sy terugkeer vir die eerste keer sedert 2008 nadat hy drie jaar by die Universiteit van Cambridge in Engeland studeer het.
Australië reis Woensdag na Auckland vir die toets teen die All Blacks. Op 13 Augustus sal hulle met 'n vergrote groep van 26 spelers na Suid-Afrika reis vir die kragmeting teen die Bokke in Durban.
Australië:
Kurtley Beale, James O'Connor, Adam Ashley-Cooper, Pat McCabe, Digby Ioane, Quade Cooper, Will Genia; Ben McCalman, David Pocock, Rocky Elsom (kaptein), James Horwill, Rob Simmons, Ben Alexander, Stephen Moore, Sekope Kepu
Plaasvervangers: Saia Fainga'a, Pekahou Cowan, Matt Hodgson, Scott Higginbotham, Anthony Fainga'a, Luke Burgess, Lachie Turner, Dan Vickerman, Sitaleki Timani
Vir die jongste sportnuus volg Nuus24Sport op Twitter.
– Sport24