SARU-glips kos Frans Steyn dalk sy plek
2010-08-12 14:30
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Kaapstad – ‘n Administratiewe glipsie deur die Suid-Afrikaanse Rugby-unie, eerder as ‘n besering, kan uitdraai om die grootste struikelblok te wees wat in die pad staan van Frans Steyn se terugkeer na die Springbokspan.
Volgens Rugby365 het SARU versuim om betyds reëlings te tref om Steyn beskikbaar te stel sodat hy vir die Bokke kan speel.
Dit word deur die FFR (Fédération Française de Rugby) vereis vir die vrystelling van spelers om vir hul nasionale spanne in toetse te speel.
En om dinge te kroon het Steyn se Franse klub, Racing Metro, bevestig dat Steyn ‘n bobeenspier beseer het en hy sal nie weer voor volgende Woensdag kan oefen nie.
“Francois Steyn, Andrea Masi, Karim Ghezal en Scott Zimmerman herstel nog almal van hul beserings,” het die Franse klub se verklaring gelui.
“Ná mediese ondersoeke is daar besluit dat nie een van hulle geskik is om (vandeesweek) te speel nie en hulle is nie genoem in die span wat deur die hoofafrigter Pierre Berbizier verkies is nie."
Steyn het verlede Vrydag in ‘n vriendskaplike wedstryd ‘n bobeenbesering opgedoen, en nie ‘n enkelbesering soos wat voorheen berig is nie.
Lees meer by Sport24
Bly op hoogte van al die jongste Sportnuus deur Nuus24Sport op Twitter te volg