Pick 'n Pay-stigter deel Bok-truie uit
2010-09-03 16:23
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Kaapstad - Die Suid-Afrikaanse besigheidsman Raymond Ackerman het die Springbok-truie op die vooraand van die Drienasies-toets teen die Wallabies in Bloemfontein, aan die spelers oorhandig.
Ackerman, Pick 'n Pay se stigter, het die span se dapper terugvegpoging verlede week in Pretoria geprys en hulle sterkte toegewens met hul laaste Drienasies-kragmeting van die jaar.
"Dit het baie moed geverg om te doen wat julle laas naweek gedoen het," het Ackerman tydens die oorhandiging gesê.
Ackerman het ook gesels oor sommige van sy eie terugslae en vir die span gesê dit is belangrik om altyd terug te veg.
"Om terug te kom na 'n agterstand van 14-0 het iets spesiaals benodig en julle het dit gehad," het hy gesê.
"As jy passie en moed het en gefokus is, sal jy altyd 'n manier vind om suksesvol te wees in wat jy doen, het Ackerman bygevoeg.
Afskop Saterdag in Bloemfontein is 17:00.
Bly op hoogte van al die jongste sportnuus deur Nuus24Sport op Twitter te volg.
- Sport24