G’n verskoning, sê Butch
2011-08-15 09:27
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Durban – Dit was moeilike omstandighede om in te skop, maar hy het geen verskonings omdat hy met ’n belangrike strafdoelpoging misluk het nie.
Dit was nie goed genoeg nie, het die Springbok-losskakel, Butch James, hier gesê nadat sy span met 14-9 teen die Wallabies vasgeval het.
James het in die 20ste minuut ’n redelike maklike poging pale toe gehad, maar misgeskop en 10 minute later ook met ’n skepdoelpoging misluk. “Ek moes dalk meer tyd geneem het nadat die bal omgeval het toe ek dit gestel het.
“Maar dit is gedane sake,” het James gesê.
Die Bok-losskakel was redelik tevrede met die manier waarop die span verdedig het en gesê dit was ’n bewys van die ingesteldheid waarmee die Bokke die toets benader het.
“Die strukture was goed, maar wat my opgeval het, was hoe goed ons herstel het as daar wel ’n verbroude duikslag was. Die ouens het werklik hard gewerk om weer in posisie te kom en duikslae te maak. Jy kan die beste strukture hê, maar as jy nie die wil het om te duik nie, sal dit nie help nie. Dit was goed om te sien die ouens wou,” het James gesê.
Die losskakel, wat woema op die aanval moes bring, het egter gesê hy meen nie hulle het genoeg geskop nie. “Ons wou die bal ’n bietjie dra, maar ek dink ons moes meer geskop het. Dit sou gehelp het om meer in hul gebied te speel.”
Volgens hom het hy ná sowat ’n uur begin voel hy was sewe weke laas op die rugbyveld.
“Dit het goed gegaan, maar ná so ’n uur het dit erg begin raak.
“Ek is redelik tevrede oor hoe ek op die oomblik voel. Maar ons het dit in daardie laaste halfuur verloor. Ons het te veel foute begin maak en met een of twee simpel foute die momentum aan hulle gegee. Daarna kon ons nie die agterstand inhaal nie.”
James is in die 68ste minuut deur Morné Steyn vervang.
Hy is tevrede dat daar genoeg positiewe spel was om die All Blacks dié naweek te klop.
“Ons het beslis baie goeie dinge gedoen en daar is nie twyfel dat ons harde werk vrugte sal afwerp nie. Ons was nie op ons beste nie, maar steeds baie mededingend vir die grootste deel van die toets. Ek dink ons was meer in beheer as hulle,” het James gesê.
Vir die jogste sportnuus volg Nuus24Sport op Twitter.
– Sport24