Bokke sal middelveld teiken
2011-07-21 23:00
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Sydney – Dit is onwaarskynlik dat die verwagte nat toestande Suid-Afrika daarvan sal weerhoed om die onervare middelveld-verdediging van Pat McCabe Saterdagaand te beproef.
Die vaardige senter Wynand Olivier sal McCabe, wat gewoonlik op heelagter vir die Brumbies uitdraf, se eweknie in die Bok-span wees. Volgens Jamie Pandaram, korrespondent van Rugby Heaven, het Olivier gesê die Springbokke sal nie hul taktiek verander nie, ondanks die swaar reënval in Sydney wat dreig om die openingswedstryd van die Drienasies-toernooi in ‘n wedstryd van tienman-rugby te verander.
“Teen die Wallabies is ons altyd voorbereid op ‘n fisieke konfrontasie, maar selfs as dit reën, sal ons te werk gaan soos ons geoefen het in die afgelope paar weke,” het Olivier aan die Herald gesê.
“Ek het nie eintlik verwag om hom (McCabe) daar te sien nie, omdat hy ‘n heelagter is. Ek het hom nog nie eintlik op senter gesien nie, buiten verlede naweek. Maar hy het heel goed gevaar. Ek sal daarna uitsien om die naweek teen hom te speel, ek dink dit gaan ‘n goeie uitdaging vir my wees.
“Ek gaan kyk of ek een of twee keer verby hom kan probeer glip.
“Dit is internasionale rugby. Hulle sou hom nie daar gesit het as hy dit nie kon hanteer nie. Hy is ‘n goeie speler en ek sien uit om teen hom te speel.”
Olivier is een van verskeie Bokke wat vasberade is om te bewys dat hulle in die Wêreldbeker-groep hoort, nadat Peter de Villiers meer as 20 van sy top-spelers in Suid-Afrika gelos het om te rus en van beserings te herstel.
“Almal wil na die wêreldbeker gaan. Nou kry jy die kans om te wys wat jy kan doen,” het Olivier gesê.
Die spanne is:
Springbokke: 15 Gio Aplon, 14 Bjorn Basson, 13 Juan de Jongh, 12 Wynand Olivier, 11 Lwazi Mvovo, 10 Morne Steyn, 9 Ruan Pienaar, 8 Ashley Johnson, 7 Danie Rossouw, 6 Deon Stegmann, 5 Johann Muller, 4 Flip van der Merwe, 3 Werner Kruger, 2 John Smit, 1 Dean Greyling
Plaasvervangers: 16 Chiliboy Ralepelle, 17 CJ van der Linde, 18 Alistair Hargreaves, 19 Jean Deysel, 20 Charl McLeod, 21 Adrian Jacobs, 22 Patrick Lambie
Wallabies: 15 Kurtley Beale, 14 James O'Connor, 13 Adam Ashley-Cooper, 12 Pat McCabe, 11 Digby Ioane, 10 Quade Cooper, 9 Will Genia, 8 Ben McCalman, 7 David Pocock, 6 Rocky Elsom, 5 James Horwill, 4 Rob Simmons, 3 Ben Alexander, 2 Stephen Moore, 1 Sekope Kepu
Plaasvervangers: 16 Saia Faingaa, 17 Pek Cowan, 18 Nathan Sharpe, 19 Matt Hodgson, 20 Scott Higginbotham, 21 Nick Phipps, 22 Anthony Faingaa
- Rugby Heaven