Bokke nie gou terug in Bloem
2010-09-02 10:02
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Bloemfontein - Springbok-ondersteuners wat nie kaartjies vir Saterdag se Drienasies-kragmeting teen Australië het nie, kan lank wag om weer die Springbokke in Bloemfontein in aksie te sien.
“Ons gaan nie gou weer een hê nie,” sê die president van die Vrystaatse Rugbyunie (VRU), Harold Verster.
Nadat die Bokke boonop verlede jaar die All Blacks op Vodacompark gepak het, sal Bloemfontein volgens Verster een of twee jaar vir ’n volgende rugbytoets moet wag. Hy sê dit is omdat rugbytoetse tussen stadions roteer word.
Maar dit is nog nie te laat om kaartjies in die hande te kry nie. Teen gistermiddag vroeg is slegs 33000 van 46000 kaartjies volgens die VRU verkoop.
“Ons hoop om nóg so 5000 tot 6000 kaartjies te verkoop,” sê Verster.
Volgens hom kos dit R11miljoen om die naweek se wedstryd in Bloemfontein aan te bied. Dus moet hulle 33000 kaartjies verkoop om hul koste te dek. Verster sê enige wins wat moontlik gemaak word, word gebruik om die stadion in stand te hou.
Die oud-Bloemfonteiner en gewilde sanger David Fourie, asook Karen Ferreira van Pretoria, gaan Saterdag die volkslied sing.
Ferreira het verlede naweek saam met die voormalige Bok-stut Toks van der Linde voor die Drienasie-stryd tussen die Bokke en die Wallabies gesing.
Fourie wat ’n telling van 27 teenoor 21 in die Bokke se guns voorspel, sien uit om na Bloemfontein te kom.
“Dit is altyd lekker om in die Rosestad te gaan kuier. Die mense is warm en my hart bly altyd in die Vrystaat.”
Volgens hom is dit vir hom “’n ongelooflike eer en voorreg” om voor die toets te sing.
* In 1976 met ’n wedstryd tussen die All Blacks en die Springbokke het die Vrystaat-rugbystadion die meeste toeskouers, altesaam 72 000, nog gehad.
* Die Springbokke het al 17 keer op die Vrystaat-rugbystadion gespeel. Hulle het 13 wedstryde gewen, drie verloor en een gelykop gespeel.
Bly op hoogte van al die jongste sportnuus deur Nuus24Sport op Twitter te volg.
- Sport24