Bokke haal wéér nie die paal
2011-08-13 23:00
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Anja Carstens
Kaapstad – Die Springbokke het hul derde agtereenvolgende Drienasies-toets verloor nadat die Wallabies Suid-Afrika Saterdag met 14-9 op Kingspark in Durban geklop het.
Met die rustydtelling 6-0 in die guns van die Bokke was dit duidelik dat Peter de Villiers se 13 veranderinge aan sy 15-tal vrugte afgewerp het.
Die Bokke se verdedigingslyne het veral goed gelyk.
Maar met die reën wat in die tweede helfte begin val het, het Australië stadig maar seker beheer van die wedstryd begin neem.
De Villiers se dwase besluit om John Smit vanaf haker na vaskopstut in die laaste minute te skuif het gesorg dat die Wallabies die oorhand in die skrums begin kry het.
Die vuur was beslis daar, veral in die eerste helfte, maar die Bokke kon net nie die druk wat hulle so goed toegepas het in 'n wen omskep nie.
Suid-Afrika speel hul laaste Drienasies-toets volgende naweek teen die All Blacks in Port Elizabeth.
Puntemakers:
Suid-Afrika:
Strafskoppe: Frans Steyn Butch James (2)
Australië:
Drie: Pat Mcabe Strafskoppe: James O'Connor (3)
Vir die jongste sportnuus volg Nuus24Sport op Twitter.