Aus-span vir Bloem bekend
2010-09-01 16:08
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Bloemfontein – Die Wallabies Drew Mitchell en Stephen Moore gaan in hul 50ste toets uitdraf wanneer Australië Saterdag die Springbokke op Vodacompark in Bloemfontein pak.
Australië het vanjaar se Drienasies-openingswedstryd teen die Springbokke in Brisbane met 30-13 gewen, maar in hul tweede kragmeting teen die Bokke met 44-31 in Pretoria vasgeval.
‘n Oorwinning in Bloemfontein sal Australië as wenners van die Mandelabeker kroon én die tweede plek op vanjaar se Drienasies-punteleer verseker.
Afrigter Robbie Deans het drie veranderinge gemaak aan die 15-tal wat op Loftus uitgedraf het.
Behalwe vir Moore wat Saia Faingaa as haker vervang, maak Dean Mumm plek vir Mark Chisholm en Ben McCalman sal in die plek van Richard Brown uitdraf.
Deans meen sy veranderinge sal die Wallabies meer slaankrag gee.
“Al drie die spelers gaan energie na die span bring,” het hy gesê.
Spanne:
Suid-Afrika:
15 Frans Steyn, 14 JP Pietersen, 13 Jaque Fourie, 12 Jean de Villiers, 11 Bryan Habana, 10 Morné Steyn, 9 Francois Hougaard, 8 Pierre Spies, 7 Juan Smith, 6 Schalk Burger, 5 Victor Matfield, 4 Danie Rossouw, 3 Jannie du Plessis, 2 John Smit (kaptein), 1 Gurthrö Steenkamp
Plaasvervangers: 16 Chiliboy Ralepelle, 17 CJ van der Linde, 18 Flip van der Merwe, 19 Ryan Kankowski, 20 Ricky Januarie, 21 Juan de Jongh, Gio Aplon
Australië:
15. Kurtley Beale, 14. James O’Connor, 13. Adam Ashley-Cooper, 12. Matt Giteau, 11. Drew Mitchell, 10. Quade Cooper, 9. Will Genia, 8. Ben McCalman, 7. David Pocock, 6. Rocky Elsom (kaptein), 5. Nathan Sharpe, 4. Mark Chisholm, 3. Salesi Ma’afu, 2. Stephen Moore, 1. Benn Robinson
Plaasvervangers: 16. Saia Fainga’a, 17. James Slipper, 18. Dean Mumm, 19. Richard Brown20. Luke Burgess, 21. Berrick Barnes, 22. Anthony Fainga’a
Australia teen Suid-Afrika – Rugby Geskiedenis
• Saterdag se toets sal die 74ste keer wees wat die die spanne teen mekaar speel. Australië het 28 wedstryde gewen en Suid-Afrika 44. Een wedstryd is gelykop gespeel.
• Australië kon slegs agt van die oorwinnings op Suid-Afrikaanse bodem behaal.
• En die Aussies kon nog net tweekeer op die Hoëveld met die Bokke klaarspeel. Dit was in 1933 met 15-4 in Bloemfontein en in 1963 met 11-9 op Ellis Park in Johannesburg.
• Die Bokke se laaste nederlaag op Vodacompark was in 2000 toe hulle met 27-22 teen Engeland vasgeval het.
Afskoptyd Saterdag in Bloemfontein is 17:00.
Bly op hoogte van al die jongste sportnuus deur Nuus24Sport op Twitter te volg.
- Sport24