All Blacks kies 10 van wenspan
2011-08-25 09:27
In-diepte Verslae
Die All Blacks sê hulle is verbaas oor die besluit deur 'n Sanzar-tugverhoor om die Wallabies se Quade Cooper nie vir beweerde vuilspel te skors nie.
Brisbane. – Tien van die spelers wat vroeër hierdie maand deel was van die All Black-span wat die Wallabies in Auckland geklop het, begin ook in Saterdag se beslissende toets hier in die Drienasies-reeks.
Die All Black-kaptein, Richie McCaw, begin in sy 98ste toets.
Owen Franks keer terug na die voorry langs die stut Tony Woodcock en die haker, Keven Mealamu. Brad Thorn is ook terug as slot saam met Sam Whitelock wat verlede week in die verloortoets teen die Springbokke gespeel het.
Wat die losvoorspelers betref, is Adam Thomson en McCaw die flanke, met Kieran Read as agtsteman. Piri Weepu is Dan Carter se skakelmaat, met die mees ervare kombinasie in die middelveld, Ma’a Nonu en Conrad Smith, wat herenig word. Nonu sluit hom by Walter Little aan as die All Black-senter met die meeste verskynings (45).
Volgens die afrigter, Graham Henry, is dit ’n toets wat gewen móét word omdat dit die deurslaggewende een in die Drienasies-reeks is.
“Ons sal op ons beste moet wees. Dit gaan ’n massiewe toets wees,” het Henry gesê.
Die All Blacks se span is:
Mils Muliaina, Cory Jane, Conrad Smith, Ma’a Nonu, Zac Guildford, Dan Carter, Piri Weepu, Kieran Read, Richie McCaw (k), Adam Thomson, Sam Whitelock, Brad Thorn, Owen Franks, Keven Mealamu, Tony Woodcock. PLAASVERVANGERS: Andrew Hore, John Afoa, Ali Williams, Victor Vito, Andy Ellis, Colin Slade, Isaia Toeava.
Vir die jongste sportnuus volg Nuus24Sport op Twitter.
– Sport24