Yach pak 30km se yswater aan
2009-10-19 21:50
Theodore Yach, een van Suid-Afrika se legendariese kouewater en langafstand-swemmers berei hom tans voor vir ‘n 29.5km dag lange swemstryd in die ysige Atlantiese-seewater van Kaapstad.
Yach (51) gaan Desember die koue water aandurf om die eerste persoon te wees wat dié roete sal swem.
Die swemsessie skop in Drieankerbaai af, strek om die hele Robbeneiland en eindig weer in dieselfde baai.
Hy gaan slegs ‘n gewone swemskostuum dra, ‘n swemkappie en swembrille.
Die geleentheid word jaarliks sedert 2001 gehou om geld vir die Vista Nova-skool vir kinders met spesiale behoeftes in te samel.
Yach gaan sowat 12 ure in haai-besette seewater met 'n temperatuur van 12°C swem.
Peter Bales die voorsitter van die Kaapse Langafstand-swemvereniging het die roete vergelyk met dié een wat die Engelse Kanaal oorsteek wat beskou word as die “Everest” van oopwater-sembyeenkomste.
Die Engelse Kanaal is wel ‘n paar kilometer langer, maar Yach se roete gaan baie kouer wees.
Yach hou tans die wêreldrekord vir die swemmer wat die roete tussen Robbeneiland en die vasteland sowat 54 keer al geswem het.
Hy het ook in 1996 die Engelse kanaal in 14 uur en 25 minute voltooi.
- Sapa