Woods se vrou wil glo nie skei
2010-01-27 04:45
Los Angeles – Tiger Woods se vrou wil nie meer skei nie.
Dié besluit het gekom nadat sy die gholf-legende by ‘n kliniek besoek het waar hy rehabilitasie vir seksverslawing ontvang, het RadarOnline.com Dinsdag berig.
Volgens die berig het Elin Nordegren vyf dae by die rehabilitasiesentrum deurgebring en deelgeneem aan Woods se terapie.
“Sy was gelukkig toe sy teruggekom het huis toe,” het ‘n bron aan RadarOnline.com gesê. “Dinge het goed gegaan.”
Die berig is saamgestel deur people.com, wat ‘n vriend van Nordegren aangehaal het dat sy (Nordegren) hoop om haar huwelik te red omdat sy nie haar twee kinders sonder ‘n pa wil grootmaak nie.
“Elin wil ‘n stabiele familielewe hê,” het ‘n bron aan People gesê.
“Sy wil haar familie bymekaar hou, selfs al bly sy en Tiger saam as vriende en nie as geliefdes nie.”
- Sapa-dpa