Woods se vrou koop huis in Swede
2009-12-12 17:22
Stockholm - ‘n Sweedse behuisings-amptenaar het bevestig dat Tiger Woods se vrou ‘n huis gekoop het op ‘n eiland net af van Stockholm, Swede.
Volgens Stenake Johansson, die voorsitter van die Faglaro behuisings-vereniging, het Elin Nordegren op 1 Desember die eienaar geword van ‘n ses-slaapkamer huis op Faglaro.
Die eiland kan slegs per boot bereik word.
Johansson het gesê dat onderhandelinge in Augustus begin het, kort nadat die huis in die mark gesit is en ‘n hele tyd voor onlangse berigte van Woods se buite-egtelike verhoudinge.
Hy kon nie die huis se prys van $2,2 miljoen (R16,5 miljoen) bevestig nie. Hy het bygevoeg dat hy nie weet of Nordegren en Woods beplan om in te trek nie.
Intussen is dit onstuimige tye vir gholf na Vrydag se aankondiging dat die sport se nommer een speler ‘n onbepaalde breuk vat in ‘n poging om sy huwelik te red.
John Daly, wat self deur huweliksprobleme deur die jare is, het uitgereik na Woods nadat die beskuldigings begin instroom het.
“Hy wou net nie met iemand praat nie,” het Daly gesê.
“Ek is geskok oor dit alles, baie van die spelers is in skok,” het Daly Saterdag by die Australiese PGA gesê.
“Ek is nie gelukkig met die manier waarop baie van ons spelers gereageer het nie – dit is hulle manier om te probeer terugkry, want hulle weet hulle kan hom nie in gholf wen nie.
“Hulle sê altyd daar is niemand groter in gholf as die spel self nie. Maar Tiger is,” het Daly gesê.
- Sapa-AP