‘Woods se verneukery was geen geheim’
2009-12-24 05:03
New York – Tiger Woods se verneukery was geen geheim vir ander gholfspelers nie, het Helen Alfredsson, die Switserse VPGA-stêr Woensdag gesê.
Alfredsson is die eerste professionele gholfspeler wat erken dat sy stories gehoor het, dat Woods sy vrou Elin verneuk, het die New York Daily News berig.
“Ek het dit gedurende die Britse Ope gehoor,” het Alfredsson gesê. Volgens haar was daar iets ongewoons aan Woods.
Woods, wie volgende week sy 34ste verjaardag vier, het besluit om onbepaald met gholf op te hou, om aan sy persoonlike lewe te werk. Dít kom nadat daar wyd in die media berig is oor ten minste veertien vrouens wat beweer dat hulle verhoudings met hom gehad het.
“Ek wonder hoekom Woods getrou het, nadat hy glo Elin se swangerskap gebruik het om nie vir meer as twaalf maande ‘n verhouding met ‘n vrou te hê, voor die geboorte van sy eerste kind nie,” het Alfredsson gesê.
Elin Woods het glo ‘n prokureur aangestel en wil nou van Woods skei. Sy is glo baie ontsteld dat Woods ‘n verhouding vir meer as drie jaar met ‘n vrou gehad het, en nog een terwyl sy swanger was.
Golf Digest, wat vir Woods saam met die Amerikaanse pres. Barack Obama in hul laaste uitgawe, op die voorblad laat pronk het, het gesê Woods sal nie meer 'n maandelikse artikel vir hulle skryf nie.
Woods het in 1996 vir Golf Digest begin geskryf, toe hy begin om professioneel gholf te speel.
- Sapa-AFP