Woods se nag van hel ontbloot
2010-01-26 20:54
Windermere - Die sportster Tiger Woods is onlangs as ’n reeks seks-bedrieër ontmasker nadat hy en sy vrou, Elin Nordegren (30) ’n rusie gehad het gevolg deur ’n motorongeluk.
Die volledige gebeure rondom die aand toe sy lewe inmekaargeval het, is Dinsdag op The Sun se webwerf ontbloot.
Woods se vrou het haarself in sy buite egtelike verhouding ingewurm deur te maak of dit hy was wat ‘n sms aan sy minnares gestuur het, is Dinsdag berig.
Nadat ’n Amerikaanse tydskrif sy verhouding met Rachel Uchitel (34) op die lappe gebring het, het Tiger toegelaat dat Elin self met haar oor die foon praat in ‘n poging om aan haar te verduidelik dat hulle net vriende is.
Uchitel het die volgende aand glo ‘n sms-boodskap aan Woods gestuur, wat soos volg gelui het: ”Jy is die enigste een wat ek nog ooit lief gehad het”.
Nordegren het daarop afgekom terwyl Woods geslaap het nadat hy 'n slaappil geneem het.
"Nordegren het ‘n boodskap aan Uchitel teruggestuur wat gelees het: “Ek mis jou. Wanneer sien ons mekaar weer?”
"Uchitel het teruggestuur, verras dat Woods al wakker is. Nordegren het op daardie stadium vir Uchitel gebel en sy het geantwoord met die gedagte dat dit Woods is wat aan die ander kant van die lyn was."
"Nordegren het iets gesê soos, ‘ek het geweet dit is jy'. Uchitel het geskrik en glo 'O f....’ gesê en die foon neergesit,” het die webwerf berig.
Sy het op die manier die waarheid geleer.
Nordegren het Woods woedend wakker gemaak, op hom geskree en hom met 'n gholfstok uit die huis gejaag.
Die skoenlose ster het met sy motor gevlug, maar toe teen ’n boom vasgery.
Woods het onlangs aan ’n rehabilitasiesentrum vir seksverslaafdes aangesluit met die hoop om sy huwelik te red.
-Sport24