Woods 'lyk of hy nooit weg was'
2010-04-09 11:27
Augusta – Tiger Woods het Donderdag sy beste openingsronde geslaan by die Meesterstoernooi in Augusta, waarna hy twee hou agter die voorloper van die eerstye ronde, Fred Couples, is.
Dit was asof Woods, wat vyf maande laas deelgeneem het as gevolg van ‘n seksskandaal, net weer aangegaan het waar hy laas opgehou het toe hy sy eerste hou afslaan.
Hy het ‘n suksesvolle hou langs die regterkant van die skoonveld geslaan – “een van die beste dryfhoue wat ek hom nóg sien slaan het,” het afrigter Hank Haney gesê – en dit het gelyk asof Woods nooit weg was nie.
Teen die derde putjie het het hy al ‘n voëltjie op sy telkaart gehad.
Vyf gaatjies later het hy ‘n arend geslaan en sy kenmerkende vuispomp was vir die eerste keer weer gesien.
By die negende putjie het hy sy 5-yster geswaai en het die bal net bo die gaatjie te lande gekom.
“Ek het vroeg in die vloei van die ronde gekom,” het Woods ná sy eerste ronde van 68 gesê.
“Dit was ‘n heel rustige dag.
“Hierdie is wat ek weet ek kan doen. Gaan net uit en speel. Ek het verwag om uit te gaan en onder baansyfer te speel.”
Woods het nog ‘n arend op die 15de gaatjie geslaan. Dit was die eerste keer ooit wat hy twee van hulle in een dag op Augusta gemaak het.
Die 50-jarige Couples het in 66 houe klaargemaak. Dit was sy beste telling ooit by die Meesters en het hom die oudste speler gemaak om voor te loop na die eerste ronde.
- Sapa-AP