Woods laat borge ly
2010-01-02 01:23
San Francisco - Tiger Woods se buite-egtelike verhoudings het nie net sy huwelik laat skipbreuk ly en sy reputasie aan skerwe laat spat nie maar het ook die maatskappye wat hom met borgskappe bystaan, seergemaak.
Volgens Sapa is sowat 12 biljoen dollar se skade aan maatskappye aangerig wat miljoene dollar se borgskappe aan Woods betaal. Dit volgens `n nuwe studie wat onlangs vrygestel is.
Navorsers van die Universiteit van California-Davis sê dat aandele van maatskappye soos Gillette, AT&T en Nike sowat 12 biljoen dollar se waarde op die aandelemark verloor het sedert Woods se skande op die lappe gekom het.
"Die totale aandeelverliese kan dekades van Tiger Woods se persoonlik borginkomste oorskrei," sê die skrywer van die studie, Victor Stango, 'n professor by California-Davis.
Die studie het gevind dat die skade die ergste was vir beleggers in Woods se drie borge wat met sport verband hou. Electronic Arts, Gatorade en Niks het 'n gemiddeld van 4.3% verlies in aandeelwaarde ondervind.
Die globale bestuurfirma, Accenture, het glo lig daarvan afgekom met geen noemenswaardige verlies nie, het die studie gevind.
- Sapa