Woods behou darem sy horlosie
2009-12-14 12:29
Genve - Die Switserse horlosiemaker Tag Heuer sê sy verbintenis met Tiger Woods sal voortduur ten spyte van die gholfspeler se beweerde ontrouheid.
'n Woordvoerder, Mariam Sylla, het Maandag gesê hul borgskap bly onveranderd omdat Woods steeds die wêreld se beste gholfspeler is en Tag Heuer nie omgee oor sy private lewe nie.
Sylla sê Tag Heuer het baie respek vir Woods se prestasies in die sport.
Sy het die uitsprake gemaak `n dag nadat die groot internasionale firma Accenture Ltd. aangekondig het dat hulle hulle bande met Woods gaan verbreek. Die gholfspeler het aangekondig dat hy vir `n onbepaalde tyd gaan ophou gholf speel om aan sy huwelik te werk.
- Sapa-AP