Vettel ruil Red Bull vir Ferrari

2012-10-15 11:21

Londen – Die Red Bull-renjaer Sebastian Vettel het 'n kontrak met Ferrari onderteken en sal in 2014 by die Italiaanse Formule Een-span aansluit, het die Britse Telegraph Maandag berig.

Felipe Massa se plek by Ferrari sal ook bevestig word nadat die span gesê het dat die Brasilianer genoeg gedoen het tydens die tweede helfte van die 2012-seisoen om sy kontrak tot die einde van 2013 te laat hernu.

Fernando Alonso, wat Lewis Hamilton se skuif na Ferrari vroeër die jaar geveto het, is glo bly dat die Duitser sy nuwe spanmaat gaan wees.

Red Bull en Vettel ontken enige ooreenkoms met die Italianers met Red Bull wat volhou dat hul jaer onder kontrak is tot die einde van 2014.

Vettel het egter 'n klousule in sy kontrak wat hom sal toelaat om Red Bull vroeër te verlaat.

Lees die volledige artikel hier.

Vir die jongste sportnuus volg Nuus24Sport op Twitter.

– Telegraph