Verdasco skok klei-koning Nadal

2012-05-10 20:01

Madrid – Rafael Nadal het sy eerste nederlaag op klei in 23 wedstryde gely toe hy Donderdag met 6-3, 3-6, 7-5 geklop is deur sy Spaanse landgenoot Fernando Verdasco in die derde ronde van die Madrid Ope.

Nadal het Verdasco, die 15de gekeurde in die toernooi, in al 13 hul vorige wedstryde geklop, maar ‘n vertoning vol foute het hom daarvan weerhou om ‘n derde agtereenvolgende oorwinning op klei hierdie seisoen te behaal en het hom ook van die kans weerhou om wraak te pleeg vir sy nederlaag teen Novak Djokovic in verlede jaar se eindstryd.

Verdasco het sy Davisbeker-spanmaat se dien sewe keer gebreek op die blou klei van die Manola Santana-baan. Hy sal nou in die kwarteindronde teen die Tsjeg Tomas Berdych te staan kom.

- Volg Nuus24Sport op Twitter
 

- Reuters