Venus Williams uit Miami-toernooi
2011-03-18 11:59
Miami - Die vyfmalige Wimbledon-kampioen, Venus Williams, sal weens 'n besering nie aan die Sony Ericsson-toernooi in Miami kan deelneem nie, het organiseerders Donderdag aangekondig.
Williams, wat die afgelope tyd deur beserings geteister word, het die maagspierbesering vroeër vanjaar by die Australiese Ope opgedoen.
"Ek is regtig baie jammer om nie in Miami te kan speel nie. Dit is een van my gunsteling toernooie, veral omdat dit so naby my huis in Florida is," het Williams in 'n persverklaring gesê.
Williams se jonger suster, Serena, is steeds buite aksie nadat sy twee weke gelede 'n noodoperasie vir 'n bloedklont in haar long moes ondergaan.
Vir die jongste sportnuus volg Nuus24Sport op Twitter.
- AFP