Groot slag vir Armstrong

2012-10-22 13:26

Genève – Die internasionale fietsryvereniging (UCI) het Maandag bekendgemaak dat hy nie teen die sanksies wat deur Usada (Amerikaanse agentskap teen dwelmmiddels) aan Lance Armstrong opgelê is, sal appelleer nie.

Gevolglik word die besluit om Amstrong lewenslank te skors en hom van sy sewe Tour de France-titels te stroop deur dié aankondiging bekragtig.

Die UCI se president, Pat McQuaid, het tydens Maandag se mediaverklaring gesê "Daar is geen plek vir Armstrong in fietsry nie."

McQuaid het bygevoeg dat hy nie van plan is om as president van die UCI te bedank nie en dat "so iets nooit, ooit, weer moet gebeur nie".

Usada beweer dat Armstrong se US Postal Service-span "die mees gesofistikeerde, professionele en suksesvolle opkikkerprogram gebruik het wat sport nog ooit gesien het".

Lees verder.

Volg Nuus24Sport op Twitter.

– BBC