Twyfel oor Botha se positiewe opkikkertoets

2013-02-11 09:09

Johannesburg – Die stof wil steeds nie gaan lê oor die omstrede boksgeveg in Brisbane tussen die Suid-Afrikaner Francois Botha en Nieu-Seelandse rugbyster Sonny Bill Williams nie.

Nadat Williams Vrydag met 'n eenparige puntebeslissing in Brisbane gewen het, het die media in Australië en Nieu-Seeland berig dat die 44-jarige Botha op die vooraand van die geveg, positief getoets het vir verbode middels.

Kort na dié berigte het 'n lid van die Australiese nasionale boksfederasie, John Hogg, gesê dit sal 'bisar' wees as Botha getoets is omdat daar geen verpligte opkikkertoetse vir boksers in Queensland is nie.

"Ek dink ek sou daarvan gehoor het as die Australiese liggaam teen dwelms in sport (Asada) vir Sonny Bill Williams of Francois Botha getoets het, omdat hulle nooit by die gimnasium in Queensland of by die geveg opgemerk is nie," het Hogg gesê.

Hogg is die Queensland-verteenwoordiger wat Botha verlede week vir sy volledige mediese toetse gestuur het.

Lees verder.

Vir die jongste sportnuus volg Nuus24Sport op Twitter.

- AFP