Turkye op koers vir F1-terugkeer

2012-12-06 15:24

Ankara – Turkye se staatsmedia het Donderdag berig dat Istanboel se terugkeer na die Formule Een-kalender "in beginsel" goedgekeur is.

Volgens die Anadolu-nuusagentskap het die besigheidsman Vural Ak – wat die bestuur van die Istanbulpark-renbaan oorgeneem het – gesê dat 'n ooreenkoms met die Formule Een-baas, Bernie Ecclestone, bereik is.

Ak het egter bygevoeg dat die finale besluit by die land se regering berus.

Turkye is in 2005 by die F1-kalender ingesluit, maar ná 'n uitval met Ecclestone in 2012, uitgeskop.

Plaaslike media het berig dat Istanboel waarskynlik 'n wedren vir 21 Julie sal kry nadat die die Amerikaanse Grand Prix in New Jersey, voorlopig gekanselleer moes word weens die skade wat deur Orkaan Sandy aangerig is.

Vir die jongste sportnuus volg Nuus24Sport op Twitter.

- Sapa - AP