Tony Martin onttrek uit Tour de France

2012-07-10 12:45

Illie-Morgon, Frankryk – Die beseerde wêreld-naelrykampioen Tony Martin, het Dinsdag uit die Tour de France onttrek in 'n poging om betyds vir die Olimpiese Spele in Londen te herstel.

Martin het tien dae gelede neergeploeg op die eerste skof en 'n beentjie in sy linkerhand gebreek.

Die Duitser het nietemin aanhou trap in 'n poging om Maandag se tydtoets oor 41,5 kilometer te wen, maar moes met 'n twaafde plek tevrede wees nadat hy 'n pap band op die roete gekry het.

Teenspoed het hom vanaf die aanvang van die Tour gevolg. Hy het voor sy besering op die eerste skof, ook 'n pap band in die proloog gekry.

Martin se hoofdoelwit die seisoen is om die Olimpiese tydtoets op 1 Augustus te wen nadat hy goud by verlede jaar se wêreldkampioenskappe verower het.

Die jaers geniet Dinsdag 'n rusdag voor Woensdag se tiende skof hulle na die Alpe neem.

Vir die jongste sportnuus volg Nuus24Sport op Twitter.

- Sapa - AP