Tiger-sportsdrankie van die rak af
2009-12-10 05:08
New York - Gatorade gaan sy Tiger Woods drankie van die mark afhaal, maar sê dié besluit is geneem voor die gholfster se geheime lewe aan die lig gekom het.
Die besluit om die drankie, Tiger Focus, se produksie te stop, is reeds in die 25 November uitgawe van Bevarage Digest, ‘n handelspublikasie, aangekondig.
Dit was twee dae voor die ongeluk by Woods se huis in Florida wat die hele debakel aan die gang gesit het.
Tiger Focus is in 2008 bekendgestel en is op sportmanne en -vroue gerig.
Verkope het egter gedaal, en Gatorade het besluit om die reeks te stop.
Intussen, sedert sy skandale aan die lig gekom het, is geen advertensies met Woods uitgesaai nie.
- Sport24