Tiger nou baie nulle werd
2009-10-01 23:49
Los Angeles - Tiger Woods het die wêreld se eerste 'biljoenêr-sportman' geword, het Forbes-tydskrif Donderdag berig.
Die Amerikaanse gholfspeler is nou wel nog nie ’n biljoen werd in Afrikaans nie, maar die sportman het verlede week die $1 miljard-merk (R7,7 miljard) verbygesteek met ’n $10 miljoen (R77 miljoen) bonus vir sy FedEx-beker oorwinning.
Woods is dus nou in Amerikaanse terme ’n 'biljoen' dollar werd.
Volgens Forbes het die geniale speler die 2009-seisoen met $895 miljoen (R6,9 miljard) begin. Dié bedrag sluit prysgeld, borge en inkomste uit sy gholfbaanontwerpe in.
Woods het in 2002 vir Michael Schumacher verbygesteek om die sportman te word wat die meeste geld ter wêreld inhark.
- AFP