Sportminister trap saam met Zille in Argus
2011-12-08 11:56
Kaapstad – Die minister van sport, Fikile Mbalula, sal ‘n groep fietsryers by aanstaande jaar se Cape Argus-fietstoer lei om die boodskap van dwelmvrye sport te bevorder.
“Ek is baie trots…dat ek nie net oor hierdie kwessies praat nie, maar ook daarvoor op ‘n fiets klim,” het hy Woensdag aan joernaliste gesê.
Mbalula sal die die fietstoer, wat op 11 Maart in Kaapstad plaasvind, gebruik om die “I play fair”-veldtog bekend te stel.
Dié inisiatief word deur die Suid-Afrikaanse instituut vir dwelmvrye sport gedryf.
Mbalula se span sal uit 24-ryers bestaan en sluit in die premier van die Wes-Kaap, Helen Zille, oud-Springbok Chester Williams en die voormalige Protea-snelbouler Makhaya Ntini.
Vir die jongste sportnuus volg Nuus24Sport op Twitter.
– Sport24