Spele-baas bly tuis oor heup

2012-11-16 15:31

Londen – Jacques Rogge, president van die Internasionale Olimpiese Komitee (IOK), gaan 'n belangrike vergadering oor die voorbereiding vir die 2016 Spele misloop nadat hy sy besoek aan Rio de Janeiro afgestel het.

'n Woordvoerder vir die IOK, Mark Adams, het aan die Associated Press gesê dat Rogge se dokters hom aangeraai het om die lang vlug te vermy na sy onlangse operasie vir 'n heupvervanging.

Adams het gesê Rogge wil elke geval in Switserland bly om die skoonmaak-operasie van die IOK se hoofkwartiere te monitor nadat 'n gebarste waterpyp waterskade veroorsaak het.

Rogge het wel beplan om dié naweek in Rio te wees vir 'n vergadering tussen organiseerders van die Londen en Rio Spele, maar dokters het gesê hy moet lang vlugte vermy "net om aan die veilige kant te wees."

Volg Nuus24Sport op Twitter.

- Sapa - AP