Sokkeraanhangers vaar uit teen Bafana

2013-01-20 08:15

Johannesburg – Sokkeraanhangers het Bafana Bafana gekritiseer nadat hul openingswedstryd van die Afrika-bekertoernooi (Afcon) teen Kaap Verde gelykop geëindig het.

Geen doele is in Saterdagaand se wedstryd aangeteken nie.

"Die vertoning was absoluut pateties. Dit het gelyk asof Bafana nie weet wat hulle op die veld doen nie," het Collin Francis van Lenasia gesê.

Nóg 'n aanhanger Kgotlaetsho Motsupe van Mafikeng het gesê die nasionale span staan nie 'n kans om die toernooi te wen nie.

"Ons is nog ver. Ek dink nie ons gaan die toernooi wen nie. Ons het regtig vanaand 'n swak vertoning gelewer.

"Ons speel en ons verdediging is goed, maar ons kan nie doele aanteken nie."

Lucky Momagogodi van Kagiso was ook nie tevrede met die span se vertoning nie.

"Ek is teleurgesteld met vanaand se vertoning."

Ten spyte hiervan, het  Momagogodi gesê hy sal steeds Bafana Bafana se wedstryde in Johannesburg bywoon.

"Ek glo ons gaan verder as die groepwedstryde vorder."
      
– Volg Nuus24 op Twitter

- SAPA