Só lyk Ryderbeker-spanne
2012-09-06 12:08
New York – Amerika se Ryderbeker-kaptein Davis Love het Steve Stricker, Jim Furyk, Dutin Johnson en Brandt Snedeker Woensdag as sy kapteinskeuses aangekondig.
Snedeker, wat sy debuut in dié toernooi maak, is gekies vir sy uitstekende setwerk die afgelope maande.
Die Amerikaners sal Europa in die 39ste tweejaarlikse toernooi vanaf 28 tot 30 September by die Medinah-golfbaan in Chicago pak.
"Ek sien uit daarna om by Medinah uit te kom en om te probeer om Davis soos 'n meester te laat lyk," het Snedeker oor sy insluiting gespot.
Tiger Woods, Bubba Watson, Jason Dufner, Keegan Bradley, Webb Simpson, Zach Johnson, Phil Mickelson en Matt Kuchar het deur middel van punte gekwalifiseer.
Amerika se Ryderbeker-span:
Tiger Woods, Bubba Watson, Jason Dufner, Keegan Bradley, Webb Simpson, Zach Johnson, Phil Mickelson, Matt Kuchar, Steve Stricker, Jim Furyk, Dustin Johnson, Brandt Snedeker
Europa se Ryderbeker-span:
Rory McIlroy (Noord-Ierland), Justin Rose (Eng), Paul Lawrie (Skotland), Graeme McDowell (Noord-Ierland), Francesco Molinari (Italië), Luke Donald (Eng), Lee Westwood (Eng), Sergio Garcia (Spanje), Peter Hanson (Swede), Martin Kaymer (Duitsland), Ian Poulter (Eng), Nicolas Colsaerts (België)
Vir die jongste sportnuus volg Nuus24Sport op Twitter.
- Sapa - AFP
