Silwer vir Mokoena
2009-08-22 20:37
Berlyn – Die Suid-Afrikaanse atleet en binnenshuise wêreldkampioen in die verspring, Khotso Mokoena, het 'n silwermedalje by die Wêreldkampioenskappe verower.
Mokoena het Dwight Phillips van die VSA se eerste sprong van 8.40 m in sy tweede sprong verbeter, maar moes toe met die tweede plek tevrede wees toe Phillips 8.54 m ver tydens sy tweede sprong gespring het.
Mokoena se beste sprong van die aand was 8.47 m.
Phillips het sy verspring-titel herwin.
Hy was die 2004 Olimpiese kampioen en die 2003 en 2005 wêreldkampioen.
Mitchell Watt van Australië het met die bronsmedalje weggestap met 'n sprong van 8.37 m.
– Sapa-AFP