Serwiese sokkerspeler vas vir knoeiery

2012-11-27 18:08

Rome – Die Italiaanse polisie het 'n Serwiese sokkerspeler, Almir Gegic, wat sedert Junie 2011 gesoek word vir sy beweerde betrokkenheid by grootskaalse wedstrydknoeiery, in hegtenis geneem.

Gegic het homself aan owerhede oorhandig en die polisie het Dinsdag 'n video vrygestel waar die sokkerspeler by Milaan se Malpensa-lughawe aankom.

Hy is tans in aanhouding in Cremona waar die staatsaanklaer, Roberto Di Martino, se wedstrydknoeiery-saak aangehoor sal word.

Meer as 50 mense is reeds in verband met die saak in hegtenis geneem en meer as 100 mense word ondersoek.

Gegic was die vermeende tussenganger tussen die sindikaat, wat vir die wedstrydknoeiery verantwoordelik was, se hoofkantoor in Asië en sokkerspelers in Italië.

Hy het vanaf 1998 tot 2000 vir die Italiaanse span Vicenza gespeel asook vir spanne in Turkye.

Gegic het ook meer onlangs vir Chiasso in Switserland vanaf 2007 tot 2011 gespeel.

Volg Nuus24 op Twitter.

       

- Sapa-DPA