Serena, Azarenka swaar beboet

2013-02-22 09:29

Doebai – Tennis se twee top-vrouespelers, Serena Williams en Victoria Azarenka, is Donderdag beboet nadat hulle op die nippertjie aan die Doebai Ope onttrek het.

Williams moet $50 000 (sowat R450 00) opdok nadat sy Woensdag weens ‘n seer rug onttrek het, terwyl Azarenka $100 000 (R900 000) kwyt is nadat sy Maandag van ‘n seer enkel gekla het.

Azarenka is swaarder as Williams beboet, aangesien dit die tweede agtereenvolgende keer is dat sy aan die toernooi onttrek, nadat sy reeds haar deelname bevestig het.

– Vir die jongste sportnuus volg Nuus24Sport op Twitter.

- Reuters