Sepeng blom ná sege
2010-05-20 09:10
Wilhelm de Swardt
Pretoria - Mbulaeni Mulaudzi het sy afrigter, Hezekiel Sepeng, se raad ter harte geneem en Woensdag die 800 m op die IAAF se Wêreld-uitdaagbyeenkoms in Daegu, Suid-Korea, oortuigend gewen.
Twee Keniane, Gilbert Kipchoge en Abraham Kiplagat, het moedig probeer om Mulaudzi in te haal. Mulaudzi het in 1:45.60 gewen.
Kipchoge was tweede in 1:46.01 en Kiplagat derde in 1:46.02.“Mbulaeni het presies gedoen wat ek hom gevra het om te doen. Dit is om die wedloop te beheer en om te wen. Dié oorwinning was belangrik,” het Sepeng gesê.
Bly op hoogte van al die jongste sportnuus deur Nuus24Sport op Twitter te volg.
- Sport24