Semenya nie gelukkig met roem
2009-11-13 20:17
Londen - Die Suid-Afrikaanse 800m atleet Caster Semenya sê sy is nie gemaklik met die roem wat sy verower het sedert haar titel as wêreldkampioen deur uitlatings van geslagstoetse oorskadu is nie.
“Mense wil nou na my staar. Hulle wil aan my vat,” het Semenya in ‘n onderhoud, wat Vrydag in die Britse koerant The Guardian gepubliseer is, gesê.
“Ek is veronderstel om beroemd te wees, maar ek dink nie ek hou so baie daarvan nie.”
Die Internasionale Atletiekfederasie (IAAF) is tans besig om die resultate van die geslagstoetse na te gaan om te bepaal of Semenya as ‘n vrou mag deelneem.
Die IAAF het geweier om Australiese media berigte te bevestig of te ontken wat beweer het dat Semenya beide manlike en vroulike geslagsdele het.
‘n Besluit sal na verwagting volgende Vrydag bekendgemaak word.
Semenya lyk of sy op haar gelukkigste is wanneer sy in Suid-Afrika is en hier saam met ander kan oefen.
“Almal aanvaar my net,” het Semenya in die onderhoud gesê.
“Hulle weet wie ek is. Ek is net Caster vir hierdie mense. Ek voel goed saam met hulle.”
- Sapa-AP