Semenya kán weer hardloop
2009-11-20 10:39
Johannesburg - Makhenkesi Stofile, die minister van sport het gesê die 800m wêreldkampioen, Caster Semenya kan weer aan atletiek vir vrouens deelneem.
“In my opinie dink ek Semenya se toekoms lê in haar hande. Sy kan besluit of sy as ‘n vrou wil hardloop, wat sy is," het die minister luidens ‘n verklaring gesê.
Semenya se prokureurs, die Suid-Afrikaanse regering en die Internasionale Vereniging van Atletiekfederasies (IAAF) het ooreengekom dat Semenya die gouemedalje wat sy by die wêreldkampioenskappe vroeër vanjaar gewen het, kan hou, sowel as die titel van 800m kampioen en haar prysgeld.
Die IAAF het Woensdag gesê die geslagstoetse op Semenya is nog nie klaar nie.
Hulle het ook talle opsies om te oorweeg wanneer dit kom by Semenya se toekoms nadat hulle die resultate bestudeer het.
Hulle kan haar permanent skors om ooit weer aan atletiek deel te neem, haar versoek om ‘n operasie te ondergaan of glad nie reageer nie.
- Sapa