Semenya hou goud, geld én titel
2009-11-19 16:02
Johannesburg – Die resultate van die geslagstoetse wat op die omstrede atleet, Caster Semenya gedoen is, sal ‘n geheim bly, het die departement van sport en rekreasie gesê.
“Ons het met die Internasionale Vereniging van Atletiekfederasies (IAAF) ooreengestem dat alle toetse vertroulik is en ‘n privaatsaak tussen die dokter en die pasiënt sal bly," het die departement gesê.
"Daarom sal daar geen publieke aankondiging gemaak word oor wat die paneel van wetenskaplikes bevind het nie,” het hulle luidens ‘n verklaring gesê.
Daar is bevind dat die atleet nie vir die omstandighede blameer moet word nie en dat sy haar prys wat sy in Berlyn gewen het, moet terug kry.
“Caster Semenya is onskuldig bevind en sal dus haar gouemedalje terug kry, haar titel as die 800m wêreldkampioen behou en haar prysgeld ontvang,” het die department gesê.
- Sapa