Semenya hardloop nie in PE
2010-02-10 11:55
Johannesburg - Suid-Afrika se 800 meter wêreldkampioen, Caster Semenya, sal nie aan vanjaar se Geelbladsye-atletiekreeks deelneem nie, het die SABC berig.
Dit is omdat Semenya se prokureurs en die Internasionale Vereniging van Atletiekfederasies (IAAF) steeds in 'n regsgeding oor dié atleet se kontroversiële geslagstoetsing betrokke is.
Die manskampioen in die 800 m, Mbulaeni Mulaudzi, sowel as die nasionale 400 m hekkie-kampioen, LJ van Zyl, sal onder die atlete wees wat aan die reeks, wat volgende week in Port Elizabeth begin, gaan deelneem.
- Sport24