Schwartzel op dreef in Bangkok

2011-12-17 23:00

Bangkok – Suid-Afrika se Charl Schwartzel het Lee Westwood van Engeland se allemintige voorsprong van 11 houe tot vier laat krimp ná die derde ronde van die Thaise gholf-toernooi op die Amata Spring-buiteklub in Bangkok.

Die Suid-Afrikaner het net soos in die tweede ronde, Saterdag se derde ronde in 66 houe voltooi - ses houe minder as die baansyfer.

Westwood wat die Nedbank-uitdaagtoernooi twee weke gelede gewen het, het die dag op negentien houe minder as die baansyfer afgesluit na hy die derde ronde in 73 houe voltooi het.

Vir die jongste sportnuus volg Nuus24Sport op Twitter.

– Sport24