Sampras verloor teen Spanjaard
2010-02-09 09:21
Kalifornië - Al het hy verloor het die voormalige eerste gekeurde tennisspeler Pete Sampras, gewys dat hy nog oor heelwat slaankrag beskik.
Sampras het Maandag, in ‘n vertoonwedstryd by die SAP Ope in Kalifornië, teen die Spanjaard Fernando Verdasco in twee stelle met 6-3,7-6 verloor.
“Dit het maar rof gegaan,” het Sampras gesê. “Om te verdedig was vandag vir my moeiliker en dit is eintlik iets waarmee ek gewoonlik baie goed was.”
Sampras het staande applous na afloop van die wedstryd ontvang en het drie tennisballe na die skare geslaan voordat hy erken het, dat hy ‘n “bietjie oud gevoel het” tydens die wedstryd.
Dit was die eerste vertoonwedstryd vir dié wenner van 14 Grand Slam-titels sedert hy Andre Agassi met 3-6,6-3,10-8 verlede jaar in Oktober geklop het.
Die 38-jarige Sampras het, na ‘n loopbaan van 15 jaar, in 2003 uitgetree maar neem nog elke jaar aan 'n paar vertoonwedstryde regoor die wêreld deel.
- Sapa-AP