Safina se kishou teen kritici
2009-10-26 13:45
Doha - Dinara Safina het Maandag terugbeweeg na die bopunt van die wêreld-ranglys en gesê sy het opgegee om haar oor haar kritici te bekommer wat sê dat die Rus dit nie verdien om die wêreld nommer-een te wees nie.
Die Rus het Serena Williams, die wenner van 11 titels, onttroon en geniet daarmee haar 26ste week bo aan die ranglys van 2009.
“Ek gee nie meer om nie. Hulle (kritici) kan sê wat hulle wil,” het die 23-jarige voor die die WTA-kampioenskappe, wat Dinsdag begin, gesê.
“Ek was al in drie Grand Slam-eindwedstryde en in twee halfeindrondes. Dit is daar. Ek het laas jaar elke toernooi gewen en hulle het my gevra hoekom ek nie nommer-een is nie.
“Hierdie jaar het ek nommer-een geword en daar is nie 'n Grand Slam nie... Dit is nie dat ek nie ‘n Grand Slam wil wen nie. Ek skat ek moet maar net ‘n bietjie meer werk insit, ‘n paar dinge verbeter om my sterker te maak om dit te hanteer.”
Saam met die afwesigheid van ‘n groot titel, het Safina ook gefaal toe die druk van 'n Grand Slam blootstelling op sy grootste was.
Sy het slegs drie potte gewen in die Australiese Ope-finaal, waarin Williams haar geklop het.
Svetlana Kuznetsova het haar in die Franse Ope geklop voor nog ‘n nederlaag in die Amerikaanse Ope teen Petra Kvitova.
- Sapa