SA-swemspan gekies vir Nederland
2010-07-28 15:14
Johannesburg - ‘n Span van 20 Suid-Afrikaanse swemmers is gekies om volgende maand aan die IPC-wêreldswemkampioenskappe in Nederland deel te neem.
Dié kampioenskappe vind vanaf 15 tot 21 Augustus in Eindhoven plaas.
Die swemmers sal deur die bestuurder, Daphne Bird, afrigter Theo Verster en 10 administratiewe personeellede vergesel word.
Dié kampioenskappe vind vanjaar vir die vyfde keer plaas en is in 2006 ook in Durban aangebied.
Onder die bekende gesigte in die span is die paralimpiese swemmers Natalie du Toit en Achmat Hassiem, wat in 2006 'n haai-aanval oorleef het.
Sowat 659 atlete van 55 verskillende lande gaan in Eindhoven deelneem.
Vir Suid-Afrikaanse atlete is deelname uiters belangrik aangesien dit die beginfase van die kwalifiseringsproses is vir die 2012 Olimpiese Spele in Londen.
Die volledige Suid-Afrikaanse span:
Sarah Shannon, Adri Visser, Beth Nothling, Chad Gifford, Hendrik van der Merwe, Sibusiso Mogale, Christiaan Du Plessis, Natalie Du Toit, Emily Gray, Achmat Hassiem, Kevin Paul, Shireen Sapiro, Charl Bouwer, Renette Bloem, Sean Clarke, Craig Groenewald, Hendri Herbst, Marike Naude, Challis Wright, Yvonne Smith
Bestuur:
Spanbestuurder: Daphne Bird
Hoofafrigter: Theo Verster
Hulpafrigters: Tadhg Slattery, Ivan Ball, Karin Hugo, Brian Elliot, Jan Wahl, Keenan Riffel
Fisioterapeute: Kerry Austin, Sumeshen Moodley
Spanassistente: Queeneth Ndlovu, Eden Meyer
Bly op hoogte van al die jongste sportnuus deur Nuus24Sport op Twitter te volg.
- Sport24