SA leer Brasilië hokkieles
2013-02-28 09:55
Johannesburg – Suid-Afrika se manshokkiespan het die tweede ronde van die Wêreldliga-toernooi in Rio de Janeiro op 'n hoë noot afgeskop nadat hulle die gasheerland Brasilië Woensdag met 9-0 verniel het.
Die Suid-Afrikaners het teen rustyd met 6-0 voorgeloop.
"Ons het vroeg punte op die telbord gekry wat beteken het dat daar geen druk op die spelers was nie," het die afrigter, Charlie Pereira, na afloop van die wedstryd gesê.
"Die ouens het gehou by die struktuur, wat belangrik is as jy teen sterker spanne speel. Ons moet ook net meer bewus wees van die teenaanvalle," het Pereira bygevoeg.
Suid-Afrika se volgende kragmeting is Donderdag teen Amerika.
Puntemakers vir Suid-Afrika:
Clint Panther (3), Lloyd Norris-Jones (2), Austin Smith, Taine Paton, Craig Haley en Ricky West.
Vir die jongste sportnuus volg Nuus24Sport op Twitter.
- SAPA
