SA-jeug beïndruk op gholfbaan

2013-03-08 08:08

Kaapstad – Die derde jaarlikse Kenako SA Wêreld-gholftoernooi vir juniors by die Kingswood-landgoed by George in die Suid-Kaap, het Donderdag op 'n hoë noot vir Suid-Afrikaanse deelnemers geëindig.

Volgens RSG het Jade Buitendag van Oos-Londen en Robert Burlison van Engeland gesamentlik die seunskategorie gewen, met ses onder die baansyfer.

Lara Weinstein van Johannesburg het op baansyfer geëindig om die titel in die kategorie vir meisies te verower.

Die toernooi is die eerste been van vanjaar se Wêreld-gholfreeks vir juniors.

Die volgende toernooi word in Junie op Wroclaw in Pole gehou. 

Vir die jongste sportnuus volg Nuus24Sport op Twitter.

– RSG