SA-hekkieblits koop beeste met wengeld
2011-06-15 15:26
Kaapstad - SA se rekordhouer in die 400 m-hekkies LJ van Zyl gaan die prysgeld wat hy tydens die plaaslike atletiekseisoen gewen het, gebruik om vee te koop.
Van Zyl het Woensdag 'n tjek van R200 000 in ontvangs geneem vir die nasionale rekord wat hy in Februarie vanjaar by die Geelbladsye byeenkoms in 'n tyd van 47.66 sekondes opgestel het.
"Ek gaan van die geld gebruik om my huisverband af te betaal en met die res gaan ek koeie vir my pa se plaas in Malteno (Oos-Kaap) koop, het van Zyl gesê.
Die 25-jarige hekkieblits vertrek binnekort na Europa, waar hy op 30 Junie in Switserland en 10 Julie in Engeland aan die Diamantliga-byeenkoms sal deelneem.
Vir die jongste sportnuus volg Nuus24Sport op Twitter.
- SAPA