Ryderbeker-konings slaan af in Sun City

2012-10-18 14:08

Kaapstad – Lee Westwood gaan sy Sun City-kroon verdedig wanneer die prestigeryke Nedbank-uitdaagtoernooi vanaf 29 November tot 2 Desember by Sun City plaasvind.

Die Engelsman gaan poog om die eerste speler in die geskiedenis van die Nedbank Ope te word om drie agtereenvolgende titels te wen.

Westwood het in 2010 met agt houe gewen en verlede jaar het hy met twee houe geseëvier.

Vanjaar se Europese Ryderbeker-held Martin Kaymer is een van vier Major-kampioene op die spelerslys.

Sewe spelers van die seëvierende Europese Ryderbeker-span gaan ook by die Gary Player-gholfklub afslaan.

Die 12 spelers wat aan vanjaar se Sun City-toernooi deelneem is:

Lee Westwood (Engeland)

Nicolas Colsaerts (België)

Bill Haas (Amerika)

Peter Hanson (Swede)

Martin Kaymer (Duitsland)

Paul Lawrie (Skotland)

Francesco Molinari (Italë)

Garth Mulroy (Suid-Afrika)

Louis Oosthuizen (Suid-Afrika)

Carl Pettersson (Swede)

Justin Rose (Engeland)

Charl Schwartzel (Suid-Afrika) 

Vir die jongste sportnuus volg Nuus24Sport op Twitter.

– Sport24